Welcome to National Institute of Co-Operative Development
මෙම පර්යේෂණයේ අරමුණ වුයේ සංවිධානවල සේවක ප්රතිලාභ ක්රමය සේවක කැපකිරිමට සිදුකරන බලපෑම සොයා බැලීමයි. පර්යේෂණ නියැඳිය ලෙස මධ්යම පළාතේ දිස්ත්රික්ක තුනම නියෝජනය වන පරිදි ග්රාමීය බැංකු කලමනාකරුවන් 80 දෙනෙකු ස්ථරීකෘත නියඳීම් ක්රමය අනුව තෝරා ගෙන ප්රතිලාභ සහ සේවක කැපවීම පිළිබඳව සකස් කල සංවෘත ප්රශ්ණාවලියක් ඉදිරිපත් කර දත්ත රැස් කෙරුනි. ප්රශ්ණාවලියේ විචල්යයන්ගේ විශ්වාසනීයත්වය cronbachs alpha සංගුණකය මඟින් විශ්ලේෂණය කර ඇත. සංඛ්යානමය ගණනය කිරිම් මඟින් දත්ත විශ්ලේෂණය කළ අතර පර්යේෂණ ප්රතිඵල වලින් දැක්වුයේ මධ්යම පළාතේ විවිධ සේවා සමුපකාර සමිතිවල ග්රාමීය බැංකු කළමනාකරුවන්ට ලබාදෙන මුල්ය ප්රතිලාභ සහ සේවක කැපවීම අතර, 0.853 ක ඉතා ප්රබල ධන සහසම්බන්ධතාවයක් පෙන්නුම් කරන බවයි. එනම්, සේවක වැටුප්, දිරිදීමනා, ප්රසාද දීමනා, වෛද්ය ආධාර, අතිකාල දීමනා, ගමන් බීමන් දීමනා ඇතුළු සේවකයන්ට දෙනු ලබන මුල්ය ප්රතිලාභ සේවක කැපකිරිම කෙරෙහි ධනාත්මකව බලපානු ලබන බවයි. ප්රතිඵල විශ්ලේෂණය අනුව මුල්ය නොවන ප්රතිලාභ වලට වඩා මුල්ය ප්රතිලාභ සමුපකාර සමිතිවල ග්රාමීය බැංකු කළමනාකරුවන්ගේ සේවක රැකියා කැපකිරිම් කෙරෙහි ප්රභලව බලපාන බව පෙන්වයි. එමෙන්ම, දත්ත විශ්ලේෂණ ප්රතිඵලය අනුව ග්රාමීය බැංකු කළමනාකරුවන්ට ලබාදෙන මුල්ය නොවන ප්රතිලාභ සහ සේවක කැපවීම අතර 0.789 ක ප්රබල ධන සහම්බන්ධතාවයක් පෙන්නුම් කරයි. ඉන් අදහස් වන්නේ බැංකු කළමනාකරුවන්ගේ ඉටුකරන වැඩ කොටස් පිළිගැනිම හා ඇගයීමට ලක්කිරිම, ඔවුනට රාජකාරි ඉටුකිරිමට අවශ්ය ප්රමාණවත් උපකරණ හා ද්රව්ය සපයාදීම, නවීන දැනුම හා පුහුණුව ලබාදීමට කටයුතු කිරිම , සේවක හැකියාවට ඉඩ සලසා තිබිම, දක්ෂතාව හා කුසලතාවය මත පදනම් වු උසස්වීම් ක්රමවේදයක් පැවතීම වැනි මුල්ය නොවන ප්රතිලාභ ද සේවක කැපකිරීම කෙරෙහි ධනාත්මකව බලපානු ලබන බවයි. තවද, සේවකයන් හට සාධාරණ යැයි හැගෙන මුල්ය ප්රතිලාභ ලබාදීමටත් මුල්ය නොවන ප්රතිලාභ ද සැලසුම් කර ලබාදීමටත් කටයුතු කිරීම මඟින් සේවක කැපවීම ඉහල නංවා ගැනිමට කටයුතු යෙදිය යුතු බව පර්යේෂණ ප්රතිඵල අනුව පැහැදිලි වේ.
සේවක ප්රතිලාභ, රැකියා කැපවීම, මුල්යය ප්රතිලාභ, මුල්ය නොවන ප්රතිලාභ
ඩබ්.බී.සමරකෝන්, & මුදන්නායක, ශ. (2022). සංවිධාන වල සේවක ප්රතිලාභ ක්රමවේදය සේවක රැකියා කැපවීමට බලපානු ලබන ආකාරය : මධයම පළාතේ විවිධ සේවා සමුපකාර සමිතිවල ග්රාමීය බැංකු කළමනාකරුවන් ඇසුරින්. ශ්රි ලංකා සමුපකාර අධ්යන සඟරාව, 2(1), 59-75.