Welcome to National Institute of Co-Operative Development
විවිධ සේවා සමුපකාර සමිති අකාර්යක්ෂමතාවයට තීරණ ගැනිමේ ක්රියාවලිය දක්වනු ලබන දායකත්වය පිළිබඳ අධ්යනය කිරීම මෙම පර්යේෂණයේ ප්රධාන අරමුණ විය. උප අරමුණු ලෙස, විවිධ සේවා සමුපකාර සමිතිවල තීරණ ගැනිමේ ක්රියාවලිය අධ්යනය කිරීම, විවිධ සේවා සමුපකාර සමිතිවල තීරණ ගැනිමේ ක්රියාවලිය අකාර්යක්ෂම වීමට හේතු හදුනා ගැනීම, තීරණ ගැනිමේ ක්රියාවලියේ දුර්වලතැන් හඳුනාගෙන පිලියම් වශයෙන් යෝජනා හා නිර්දේශ ඉදිරිපත් කිරීම හඳුනාගන්නා ලදි. මෙහිදී, උද්ගාමී ප්රවේශය යටතේ ගුණාත්මක ශිල්ප ක්රමය යොදාගනිමින් සිද්ධි අධ්යයනයක් සිදුකර ඇත. රාජ්ය සහනාධාර බෙදාහැරීම සඳහා සමිති දිගින් දිගටම බැංකු අයිරා මත කටයුතු කිරීම, විගණන වාර්තා නිවැරදිව පරිශීලනය නොකිරීම, විගණන ඌණතා නිවැරදි කිරීමට සමිති කටයුතු නොකිරීම, තොරතුරු සන්නිවේදනය දුර්වල තතත්වයක පැවතීම, උපාය මාර්ගික සැලසුම් තිරසාර නොවීම වැනි හේතු විවිධ සේවා සමුපකාර සමිති අකාර්යක්ෂමතාවය බලපෑම් කරනු ලබන බව හෙළිදරව් විය. රාජ්ය සහනාධාර බෙදාහැරීම සමිතියේ සාමාන්ය ව්යපාරික කටයුතු වලට බාධා නොවන පරිදි සිදුකිරීමට, තීරණ ගැනීමේ දී භාවිතාකල යුතු ලේඛණ හා වාර්තා පරිශීලනය ඉහළ නැංවීම, විගණන ඌණතා නිවැරදි කිරීමට සමුපකාර සමිති සහ සමුපකාර දෙපාර්තමේන්තුව විසින් යාන්ත්රණයක් සැකසීම, උපාය මාර්ගික සැලසුම් සමිතියේ දිගුකාලින අවශ්යතා සඳහා සැකසීම වැනි දෑ අධ්යනය අවසානයේ නිර්දේශ ලෙස ලබාදෙන ලදි.
අකාර්යක්ෂමතාවය, තීරණ ගැනීම, විවිධ සේවා සමුපකාර සමිති
දිනේෂ්, ච., & දිසානායක, ද. (2024). විවිධ සේවා සමුපකාර සමිති අකාර්යක්ෂමතාවයට තීරණ ගැනීමේ ක්රියාවලිය දක්වනු ලබන දායකත්වය පිළිබඳ අධයනය.(ඌව පළාත් විවිධ සේවා සමුපකාර සමිති ආශ්රයෙන්) ශ්රී ලංකා සමුපකාර අධ්යන සඟරාව, 3(1), 30-60.